Keçid linkləri

2024, 11 May, şənbə, Bakı vaxtı 06:24

Bakıdakı tıxacların əsl səbəbi nədir? [video]


Bakı tıxacdan niyə qurtula bilmir?
Gözlə

No media source currently available

0:00 0:14:32 0:00

Bakı tıxacdan niyə qurtula bilmir? [A-Live]

Necə olur ki, Bakıda avtomobil tıxacı yaranır? Yollarda vaxt itirmək, səs-səsə verən avtomobillər, paytaxtın həyat normasına çevrilir?

«Yol hərəkəti haqqında» Azərbaycan Respublikası Qanununun kommentariyası» kitabının müəllifi Ərşad Hüseynov hesab edir ki, tıxacı yaradan səbəblərdən biri budur ki, sürücülük vəsiqəsi bu vəsiqəni almaq üçün vərdişləri olmayan adamların əlinə keçir. Nəticədə səriştəsiz adamlar sükan arxasına keçir, qaydaları pozur.

Buna da bax:​ ‘Bakı-Sumqayıt marşrutunda illərdir özbaşınalıqdır’ [qəzaya reaksiyalar]

İdrak Abbasov
İdrak Abbasov

Ərşad Hüseynov bildirir ki, ölkədə sürücü mədəniyyətini qaldırmaq lazımdır. Hazırda qarşıdakı avtomobili ötmə, qanunsuz yerdə maşın saxlamaq az qala norma sayılır, çox vaxt da cəzasız qalır.

Jurnalist İdrak Abbasov əvvəllər Bakıda sürücü olub, son iki ildir ki, Norveçin paytaxtı Osloda maşın sürür. O, Osloda arabir tıxaca rast gəldiyini deyir, amma bildirir ki, orda tıxacda davranış fərqli olur:

"Hamı öz yerində gözləyir, sağdan sola hoppanmaq yoxdur, siqnal vermək yoxdur, sıxışdırmaq yoxdur. Hər kəs nizamla gözləyir".

Buna da bax:​ Maşını əzilib, özü xəstəxanaya düşüb, amma...

İdrak Abbasov deyir ki, Norveçdə sürücülük vəsiqəsini əldə etmək elə çətindir ki, sürücülər qaydanı pozub vəsiqəni itirmək istəmirlər.

Ərşad Hüseynov
Ərşad Hüseynov

Hüquqşünas Ərşad Hüseynov deyir ki, Bakıda tıxacların yaranmasının əsas səbəblərindən biri də şəhər planlamasıdır:

“Görür ki, 100 kv.m. boş yer var, deyir ki, burda 15 mərtəbəli bina tikmək olar, amma heç kim soruşmur ki, bu 15 mərtəbəli binanın insanları bura necə gəlib gedəcəklər, onların avtomobilləri harda dayanacaq. Dünyanın hər yerində norma var ki, yaşayış məntəqəsinin bir hissəsi yol olmalıdır, amma Azərbaycanda bu normaya riayət olunmur”.

Buna da bax:​ Avtobus sürücülərinin ötüşməyə çıxması azala bilər

Sivil Toplum Platformasının üzvü, hüquqşünas Ələsgər Məmmədli tıxacların yaranmasının başqa bir səbəbinə diqqət çəkir. Deyir ki, tıxacı məmurlar da yaradır:

Ələsgər Məmmədli
Ələsgər Məmmədli

“Mən özüm də şahidi oluram ki, hər xırda məmur üçün belə yollar polis tərəfindən bağlanır. Bu da ciddi problem yaradır, əslində qanunda belə bir müddəa yoxdur ki, hansısa polis rəisi, yaxud da hansısa nazir müavini gedəndə yollar bağlanmalıdır”.

Buna da bax:​ Sürücünü ağladan yol polisi işdən çıxarılıb

Gün ərzində Dövlət Yol Polisi və Bakı Şəhər Baş Polis idarəsinin də mövqeyini öyrənmək istəsək də, cəhdimiz alınmadı. Bakı Yol Polisinin bölmə rəisi Vaqif Əsədov virtualaz.org sayına müsahibəsində bildirib ki, Bakı kimi 1.4 milyona yaxın avtomobilin olduğu şəhərdə günün pik saatlarında sıxlığın yaranması qaçılmazdır. “DYP əməkdaşları bütün mümkün olanı edir ki, yaranan sıxlıqlar tıxaca, nəqliyyat xaosuna çevrilməsin”, deyə Əsədov bildirib.

Buna da bax:

Bakıya gələn yolda tıxac...
Gözlə

No media source currently available

0:00 0:00:51 0:00

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG