Oktyabrın 22-dən 30-dək Bakıda növbəti Beynəlxalq Caz Festivalı keçiriləcək.
Mədəniyyət və Turizm Nazirliyindən AzadlıqRadiosuna verilən xəbərə görə, festival bu qurum və Azərbaycan Mədəniyyət Fondu tərəfindən gerçəkləşdiriləcək.
Nazirlik festivalın proqramını da açıqlayıb.
Festivalda Braziliya, Gürcüstan, İsveç, İspaniya, Fransa, Avstriya, Türkiyə, İtaliya, Norveç, Niderland, Almaniya, Macarıstan, Litva, Yaponiya və Kolumbiyadan olan məşhur musiqiçilərin iştirakı nəzərdə tutulub.