Aprelin 21-də Rusiyanın Xarici işlər naziri Sergei Lavrov Ermənistana gedir
Onun Prezident Serzh Sarkisian, ermənistanlı həmkarı Eduard Nalbandian-la görüşü gözlənir
Meydan TV cavab verir
Meydan TV-nin rəhbəri Emin Milli televiziyanın 15-dək jurnalistinə qarşı qaldırılan cinayət işi ilə bağlı deyir ki, bu, absurddur
Dolların üstündə qadın portreti olacaq
ABŞ-da "100 ildən də çox müddətdə ilk dəfə olaraq kağız pulun üstündə qadın portreti olacaq". Bunu açıq məktubunda ABŞ-ın maliyyə naziri Jacob Lew elan edib. O yazır ki, bu qadın qaradərili Harriet Tubmandır. Nazir Tubmanın təkcə insan haqları, demokratiya uğrunda mübariz olduğunu yox, həm də liderlik nümunəsi olduğunu yazır. O , Tubmanın sözlərini sitat gətirir ki, "gücüm qaldıqca azadlıq uğrunda vuruşacağam"
Erməni tərəfinin güzəştdə "qırmızı xətti"
Ermənistanın hakim partiyası olan Respubika Partiyasının sədr müavini Armen Ashotian deyib ki, yaxın vaxtlarda Qarabağ probleminin həlli görünmür.
Onun sözlərinə görə, “Minsk qrupu və onun iki həmsədri- ABŞ və Fransa təkcə Rusiyadan gələn həllə heç vaxt razılamayacaq.”
O daha sonra deyib ki, kompromissdə “qırmızı” xətt var.
O, Qarabağ üçün “qırmızı xəttin” nədən ibarət olduğunu bildirib: “Dağlıq Qarabağ xalqının öz müqəddəratını həll etmək hüququ və təhlükəsizliyə beynəlxalq təminat”.