Putin Qarabağ haqda
"Çox həssas mövzudur. Mən elə gəlir ki, biz bu mövzuya ehtiyatlı yanaşmalıyıq. Bu, çoxdankı münaqişə, çoxdankı problemdir, dondurulmuş vəziyyətdə idi, təssüflər olsun ki, orada qığılcım baş verdi. Biz əlimizdən gələni edəcəyik ki, bu münaqişə həll olunsun, hər iki tərəf üçün məqbul sayılan həll yolu tapılsın. Əlbəttə ki, Dağlıq Qarabağla bağlı uzunmüddətli həlli lazımdır. Bu, istisnasız olaraq siyasi həll yoludur".
O bildirib ki, güzəşt tapılmalıdır: "Bir neçə il əvvəl mənə elə gəlirdi ki, biz hər iki tərəfə sərf edən güzəşti tapmağa yaxınlaşmışıq. Təəssüflər olsun ki, belə deyilmiş. Beynəlxalq strukturlar çərçivəsində və ikitərəfli formatlarda münaqişənin həlli istiqamətində işlərimizi davam etdirəcəyik. Kimin nə deməsindən asılı olmayaraq, Rusiya bu münaqişənin həllində maraqlıdır. Biz həm Azərbaycanla, həm də Ermənistanla əməkdaşlıq edirik."
Bakıda uçan bina ilə bağlı hökumət qərar verdi
Bu gün Nazirlər Kabineti martın 28-də 3 və 4-cü mərtəbələri arasında arakəsmənin uçduğu Xətai rayonu, Cavanşir küçəsində 10 saylı, o cümlədən 14 saylı yataqxana binaları ilə bağlı kəskin qəzalı olduğundan həmin yataqxana binaları barədə sərəncam verib.(Bu bina ilə bağlı əvvəlki AzadlıqLive-larda geniş danışmışıq)
Xətai rayon İcra Hakimiyyətinin (İH) şöbə müdiri Zaməddin Əkbərov bildirib ki, Nazirlər Kabinetinin 14 aprel 2016-cı il tarixli 217 saylı sərəncamına əsasən, kəskin qəzalı vəziyyətdə olan bu iki yataqxana binası söküləcək, həmin yataqxanada faktiki yaşayan ailələrin hər birinə dövlət hesabına 45 min manat vəsait veriləcək.
Zhirinovski:"Erdoğan daha pisidir"
Zhirinovski Putinə verilən suala cavab verib ki, Erdoğan ,əlbəttə, daha pisidir. O deyib ki, Poroshenkonu saçından tutub, çıxardardı.
Bu gün 12 yaşlı Varya V.Putinə sual verdi ki, Erdoğan və Poroshenko suda batsa idi, onlardan hansını birinci çıxardardı?
Bu günki AzadlıqLive-da:
ABŞ Dövlət Departamentinin insan haqları hesabatı və Azərbaycanda reaksiyalar
Rusiya prezidenti Putin ənənəvi "birbaşa xəttdə" Qarabağdan da danışdı