Bakıda «qiymət qiyaməti»
virtualaz.org saytı yazır ki, bütün məhsullar azı 50 faiz bahalaşıb:
«Günəbaxan yağlarının da ən ucuzunun qiyməti 1.96 manatdan 2.35 manata qədər artıb. Ən ucuz qarğıdalı yağı isə 3.10 manatdır. Yumurtanın bir ədədinin qiyməti əvvəl 13 qəpikdisə, indi 17 qəpikdir. Ən ciddi fərq isə kərə yağının qiymətində müşahidə olunur. Satıcıların verdiyi məlumata görə, bu məhsulun hər növünün qiymətində 2 manat artım var. Çörəyin də qiyməti 20 qəpik artaraq 50 qəpik olub. Bunun səbəbi isə unun bahalaşması ilə izah olunur».
UN VƏ ÇÖRƏK BAHALAŞDI
«Bizim Yol» qəzeti yazır ki, əhali çörəklə imtahana çəkilir:
«Əsas strateji məhsul sayılan unun qiyməti nə az, nə çox 50 faizə yaxın bahalaşıb ki, bu da çörəyin qiymətinə təsirsiz ötüşməyib. Dünən dükanlarda 40 qəpiklik çörək 50 qəpiyə, 30 qəpiklik çörək isə 40 qəpiyə qədər bahalaşıb. MƏTBUAT ICMALI
Bu günki Azadlıq Live-da:
Manat qəzetləri də yıxacaq: "Yeni Müsavat " ixtisarı düşünür, "Azadlıq" qiyməti qaldıracaq
Elektronika malları azı 30-35 faiz bahalanıb. İqtisadçı izah edir:
Üstəlik kiçik mağazalar bağlana bilər
141 milyard nəyə xərcləndi?
Neft eksperti İlham Şaban: "deyə bilərik ki, son 15 ildə Azərbaycan neftdən 141 milyard manat pul əldə edib."
O 141 milyard manat nəyə xərclənib? Hansı böyük problem həll olundu?
Elektronika azı 35 faiz bahalanıb
Telefon mağazalarında isə ucuz telefonların da, bahalı telefonların da qiymətləri bahalaşıb. Bir həftə əvvələ qədər 119 manata satılan telefon indi 177 manata satılırdı. Bundan əvvəl 341 manata satılmış telefon vitrinə 431 manata, 656 manatlıq isə 934 manata qoyulmuşdu.
İqtisadçı ekspert Rövşən Ağayev deyir ki, Azərbaycanda elektron məhsullar istehsal olunmadığından qiymətlərin bahalaşması təbiidir:
“Tutaq ki, ərzağın 50 faizi Azərbaycanda istehsal olunur. Hökumət müxtəlif rəqəmlər deyir. Ancaq ən yaxşı halda 50 faiz istehsal olunur. Elektron məhsulları bazarında isə bazar tamamailə idxaldan asıldır. Elə bir məhsul göstərilə bilməz ki, biz onun ölkədə istehsal olunduğunu iddia eləyə bilək. Devalvasiya şəraitində də məhsul valyuta ilə alınıb gətirilir. Valyuta nə qədər qiymətdən düşürsə, gətirilən məhsulun da o həcmdə artırılması qaçılmazdır”.