"Azərbaycanlı Çarli Çaplin" dünya rekordu vurdu
Amerikanın “America’s Got Talent” istedadlar şousunun finalçısı, ABŞ-da yaşayan və işləyən Üzeyir Novruzov yeni rekord vurub. "Azərbaycanlı Çarli Çaplin" kimi məşhur olan sirk ustası 6 metrlik nərdivanda 7 dəqiqə 50 saniyə qalmaqla Guinnes-in rekordlar kitabına düşüb. Rekordun yenilənməsinin təsdiqlənməsi mərasimi Çinin paytaxtı Pekində keçirilib.
"İnstagram"da yenilik
Hər ay dünyada 400 milyon fəal istifadəçisi olan «Instagram» yeni funksiyasını işə salacaq.
Bu barədə «The New York Times» yazır. Yenilik bu sosial şəbəkədə foto axını ilə bağlıdır. İndi paylaşılan foto və videoları xronoloji ardıcıllıqla görürüksə, yeni alqoritmlə paylaşımlar maraq dərəcəsinə və reytinqinə görə sıralanacaq.
Anar Məmmədli: "Fəaliyyətim hazırki ictimai-siyasi mühitə adekvat olacaq"
Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədli həbsdən çıxandan sonra AzadlıqRadiosuna deyib ki, “Göstərəcəyim fəaliyyət daha çox hazırkı ictimai-siyasi mühitə adekvat olacaq. Çünki mən həbsxanaya düşən vaxt Azərbaycanda elə bir situasiyaydı ki, indiki qədər qeyri-hökumət təşkilatlarına, vətəndaş cəmiyyətinə təzyiqlər yox idi. Eyni zamanda, hüquqi mühit indikindən xeyli dərəcədə sərbəst idi, məhduduyyətlər o qədər deyildi. Həbsdə olan insanların sayı bu qədər deyildi. Bir az dincələndən sonra həbsxanadakı yoldaşları da düşünməliyik. Onların hüquqlarının müdafiəsi ilə məşğul olmalıyıq”.
Əfv olunanlar azadlığa çıxır
NİDA üzvü Məmməd Əzizov azadlıqda. Məmməd Əzizov 2013-cü ildə həbs edilib. O, xuliqanlıqda, narkotik vasitələri qanunsuz saxlamaqda, kütləvi iğtişaşları təşkiletmə və ya belə iğtişaşlara qatılmaqda ittiham olunaraq 7 il 6 ay azadlıqdan məhrum edilmişdi