Astara rayonu IV İslam Həmrəylik Oyunlarına hazırlaşır.
Gənclər və İdman Nazirliyinin yerli şöbəsinin rəisi Ərçə Əliyevin dediyinə görə, Astara rayonunda aprelin 9-da “su səyahəti ”nəzərdə tutulub:
“Rayonun Ərçivan kəndində olan “Yanar Bulaq” dan su götürüləcək. Rayonun Olimpiya İdman Kompleksində və dənizkənarı parkda tədbirlər nəzərdə tutulub. Astardan bir nəfər İslam Həmrəylik Oyunlarında iştirak edəcək. Rayona bir çox ölkələrin səfirlərin və idmançıların gəlişi gözlənilir.”
O, qeyd edir ki, Olimpiya oyunlarında yarışda iştirak edən ölkələrdə məşəl gəzdirilir. IV İslam Həmrəylik Oyununda isə məşəli su əvəz edir:
“Azərbaycanın 15 bölgəsindən su götürüləcək və Bakıya gətiriləcək. Rayonlarda isə suyun götürülməsi və paytaxta aparılması mərasimi nəzərdə tutulub. Birinci su səyahəti Naxçıvandan başlayır. Oradan buraya gətiriləcək, burdan isə Sabirabada gedəcək. Astardan 8 minkönülü gənc Bakıda tədbirlərin həyata keçirilməsində iştirak edəcək.”
Rəsmi məlumata görə, aprelin 5-i Bakı şəhərinin Daş Salnamə Muzeyində "Xəzər dənizindən başlayan Səyahət"in İlkin Təqdimat Mərasimi keçiriləcək. Prezidenti İlham Əliyev Xəzər dənizindən götürülmüş suyu Azərbaycanın bütün guşələrindən gəlmiş uşaqlara təqdim edəcək.
Bu il mayın 12-dən 22-nə kimi Bakıda IV İslam Həmrəylik Oyunları keçiriləcək
20 idman növü üzrə keçiriləcək yarışlara dünyanın 50-dən çox müsəlman ölkəsindən 4 min idmançının qatılacağı gözlənilir.
