Araq satanlar çıxış yolu tapıb- [Video]
Ermənistanda H1N1 donuz qripi virusuna tutulanların sayı 27-yə çatıb
Bu barədə Ermənistanın səhiyyə naziri Armen Muradyan yanvarın 5-də məlumat verib. O həmçinin deyib ki, bayram günlərində qripin törətdiyi ağırlaşmalardan ölüm halları da qeydə alınıb.
Onun sözlərinə görə, kəskin respirator xəstəliklərə yoluxanların sayı artsa da hələ ki, epidemiya barədə danışmaq tezdir. "Epidemioloji vəziyyət nəzarətdədir," deyə o bildirib.
Nazir bəyan edib ki, xəstəxanalarda bütün zəruri resurslar və dava-dərman var. O, vətəndaşları xəstəliyin əlamətlərini aşkar etdikləri zaman özünümüalicə ilə məşğul olmamağa, həkimə müraciət etməyə çağırıb.
Cahangir Hacıyevə telefonla danışmağa icazə verilmir
Beynəlxalq Bankın İdarə Heyətinin sabiq sədri, hazırda həbsdə olan Cahangir Hacıyev yenidən Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə köçürülüb.
Onun vəkili Aqil Layicov AzadlıqRadiosuna bildirib ki, Cahangir Hacıyev dekabrın 30-da 1 saylı Bakı İstintaq Təcridxanasından çıxarılıb: «Bizə bildiriblər ki, istintaq hərəkətləri ilə əlaqədar Mütəşəkkil Cinayətkarlıqla Mübarizə İdarəsinə aparıblar. Qanun imkan verir ki, ay ərzində 10 gündən çox olmayaraq məhbus istintaq hərəkətləri ilə bağlı Mütəşəkkil Cinayətkarlıqla Mübarizə İdarəsində saxlansın. Yanvarın 9-da bu vaxt bitir».
Aqil Layicovun sözlərinə görə, Cahangir Hacıyevlə görüşündə ona hər hansı problem yaradılmır və vəkillə danışıqların konfidensiallığı gözlənir: «Yalnız sovqat qəbulu dayandırılıb və yaxınları ilə telefon danışıqlarına icazə verilmir. Bu da müvafiq qanunu pozur. Özü ilə bu gün görüşəndən sonra qərar verəcəyik ki, bundan şikayət edək, ya yox».
"Günə 6-7 manat qazananda sevinirəm"
35 yaşlı Rövşən Şirinov mərkəzdən kənar metroların çıxışlarında «şirin pambıq» və şar satır. Avropa Oyunları vaxtı işdən çıxarılandan sonra başqa iş tapmayınca, uşaqları ac qalmasın deyə, səyyar satıcılığa başlayıb. Deyir, 2-3 ay olar ki, bu işlə məşğuldur.
Rövşən «Azərsun Holdinq»də fəhlə işləyirmiş:
«300 manat maaş alırdım. Özüm çıxmaq istəməsəm də, ərizə yazdırıb çıxardılar. Bizlə bərabər türkiyəlilər, iranlılar da işləyirdi. Amma onlarla bizim maaşımız kəskin fərqlənirdi. Türkiyəlilər 7 min, iranlılar 4 min manata qədər maaş alırdı. Yenə də, yaxşı idi, belə soyuqda çöldə gəzmirdim, günortalar naharımızı verirdilər, isti yemək yeyirdik. O vaxtdan nə qədər iş axtarsam da, heç yerdə tapa bilmədim, məcbur qalıb səyyar satıcılıqla məşğul oldum».