Neft ucuzlaşdıqca azadlıq azalır
Freedom House təşkilatının 2016-cı il üçün hesabatı “Narahat diktatorlar, səbatsız demokratiyalar: qlobal azadlıq təzyiq altındadır” ( Anxious Dictators, Wavering Democracies: Global Freedom under Pressure) adlanır.
Hesabatda deyilir ki, ötən 2015-ci il dünyada bir-birini çulğalayan bir neçə böhran yaşayıb və nəticədə demokratik ölkələrdə ksenofobiya yaranıb, təbii ehtiyatlara söykənən ölkələrdə iqtisadiyyatlara ağır zərbə dəyib və bu da avtoritar rejimlərin fərqli düşüncə üzərinə hücumlarını şiddətləndirib. Bütün bunların nəticəsi olaraq artıq dalbadal 10-cu ildir ki, qlobal azadlıq tənəzzüldədir.
Bu da qeyd olunur ki, Səudiyyə Ərəbistanının neft hasilatını azaltmaqdan imtina etməsi və Birləşmiş Ştatlarda neft hasilatının artması Anqoladan Azərbaycanadək repressiv petrodövlətlərdə ümumun rifahı üçün təhlükə yaradıb.
Bu günki AzadlıqLive-da:
İlham Əliyev deyir ki, məmurun kabinetində Azərbaycanda istehsal olunan mebel olmalıdır, əsgərə Azərbaycan ayaqqabısı alınmalıdır
Nisyə alanlar və nisyə verən-verməyən dükan sahibləri
Manatın devalvasiyası nisyə mexanizmini də öldürdü- bunu iqtisadçı Nemət Əliyev deyir
MB sədri Elman Rüstəmov deyir ki, hökümət dollarla kredit götürənlərə güzəşt etməyəcək.
Millət vəkili Vahid Əhmədovsa deyir ki, hökumətlə ümumi razılıq bu olub ki, dollarla götürülən kreditlər problemi öz həllini tapsın- 10 min dollaradək olan kreditlər 1,05 məzənnəsi ilə ödənsin.
Mirşahin Teleradio Şurasına qarşı məhkəməni uddu
Mirşahin Ağayevin hər iki şikayəti qismən təmin edildi - Səbayel Rayon Məhkəməsinin qərarları ləğv edildi və bu işlər bir daha ətraflı araşdırılması üçün yenidən ora qaytarıldı. Ətrafı burada
İlham Əliyev: "məmurun kabinetində yerli mebel olmalıdır"
Yanvarın 26-da “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının ikinci ilinin yekunlarına həsr olunmuş konfrans keçirilib.
Prezident İlham Əliyev tədbirdə məmurlara yerli istehsallara üstünlük verməyi tövsiyə edib:
"Ölkədə yüzlərlə mebel şirkəti var. Amma yüksək vəzifəli məmurlarımız bunu bəyənmirlər. Yerli istehsalın keyfiyyəti başqa mebeldən fərqlənmir, amma deyir, bu, Azərbaycan malıdır, özünə rəva bilmir. Gərək İtaliya, Rumıniya mebeli olsun. Buna son qoymaq lazımdır. Bütün dövlət məmurlarının kabinetində bundan sonra yerli mebel olmalıdır".
Prezident daha sonra qeyd edib ki, bəzi hərbi qurumlar Azərbaycan istehsalı olan ayaqqabıları bəyənmir: "Mənə ölkəmizdə istehsal olunan ayaqqabı göstərdilər. Görün, Azərbaycanda nə gözəl ayaqqabı istehsal olunur. Ancaq bəzi hərbi qurumlar bunu bəyənmir, xaricdən ayaqqabı alırlar. Bu sahə çox ciddi nəzarət altında olmalıdır. Beləliklə, biz israfçılığa yol verməyəcəyik".