Vaqif Dərgahlı: "heç bir mövqe itirməmişik"
Azərbaycan Müdafiə Nazirliyi Ermənistan tərəfinin yeni mövqelər əldə etmələri barədə yaydıqları məlumatlara münasibət bildirib.
Nazirliyin mətbuat xidmətinin rəhbəri Vaqif Dərgahlı AZƏRTAC-a deyib ki, bu barədə yayılan məlumatlar yalandır: «Biz heç bir mövqelərimizi itirməmişik və Azərbaycan Silahlı Qüvvələri əməliyyat şəraitinə tam nəzarət edir».
Dağlıq Qarabağın erməni ordusu atəşin dayandırılmasını müzakirə etməyə hazırdır
"Dağlıq Qarabağın ordusu əvvəlki mövqelərin bərpası kontekstində atəşin kəsilməsini müzakirə etməyə hazırdır."
Azadlıq Radiosunun erməni xidmətinin çməlumatına görə, bunu Dağlıq Qarabağın müdafiə nazirliyinin mətbuat xidməti bildirir.
Erməni tərəfinin məlumatı: gərgin döyüşlər gedir
"Şimal və cənub istiqamətlərdə gərgin döyüşlər gedir. Cəbhənin bəzi hissələrində Azərbaycan tərəfi böyük qüvvələr yığıb".
Bunu Facebook-da Ermənistanın müdafiə nazirliyinin mətbuat katibi Arsrun Hovannisyan yazır.
Erməni tərəfi ölən 7 hərbçinin adını açıqlayır
Ermənistanın müdafiə nazirliyi cəbhədə ölən 7 hərbçinin adını açıqlayıb. Onlardan biri sıravidir- 53 yaşı var. İkisi pulemyotçudur. Ən yüksək rütbəlisi kapitandır.