Keçid linkləri

2024, 24 May, Cümə, Bakı vaxtı 11:36

Azərbaycan 64 min avro təzminat ödəməli olacaq


Avropa İnsan Haqları Məhkəməsi. Foto arxiv
Avropa İnsan Haqları Məhkəməsi. Foto arxiv

Avropa İnsan Haqları Məhkəməsi Azərbaycanda ölkədən çıxışına məhdudiyyət qoyulmuş 11 nəfərlə bağlı qərar çıxarıb. Onların əksəriyyəti jurnalistlər və hüquqşünaslardır.

Avropa Məhkəməsi belə nəticəyə gəlib ki, ərizəçilərə münasibətdə İnsan haqları və əsas azadlıqların müdafiəsinə dair Konvensiyanın 13-cü (səmərəli hüquqi müdafiə vasitələri) maddəsi və 4 saylı protokolun 2-ci (sərbəst hərəkət etmək azadlığı) maddəsi pozulub. Bu hüquq pozuntusuna görə şikayətçilərin hər birinə 5 min avro mənəvi təzminat ödənilməsinə qərar verilib. Məhkəmə xərclərinə görə isə şikayətçilərə 1000 avro ödənilməlidir.

Kompensasiyanın ümumi məbləği 64 min avrodur.

Ərizəçilər arasında jurnalistlər və hüquqşünaslarla yanaşı, REAL Partiyasının Məclis üzvü Azər Qasımlı, Beynəlxalq Bankın həbsdə olan sabiq rəhbəri Cahangir Hacıyevin bacısı Əminə Hacıyeva, Azərbaycan Beynəlxalq Universitetinin keçmiş rektoru, Fransada sığınacaq almış Elşad Abdullayevin bacısı oğlu Azad Mürsəliyev də var.

Digər ərizəçilər Aynurə İmranova, Gülər Mehdizadə, Rövşanə Rəhimova, Ənnağı Hacıbəyli, İzolda Ağayeva, Aynurə Heydərova, Aytən Ələkbərova, Dilarə Vəliyevadır.

Avropa Məhkəməsi hazırda Türkiyədə yaşayan jurnalist A.İmranovaya münasibətdə Konvensiyanın 13-cü maddəsinin pozuntusunu tanımayıb. Belə nəticəyə gəlib ki, yerli məhkəmələr onun ölkədən çıxışıyla bağlı məsələyə mahiyyəti üzrə baxıblar, sadəcə, ərizəni təmin etməyiblər. Digərlərinin işinə isə məhkəmələr baxmaqdan imtina edib.

Ə.Hacıyeva və hüquqşünas R.Rəhimovaya isə xərclərə görə 1000 avro ödənilməsi nəzərdə tutulmayıb. R.Rəhimovanın vəkili özü olub. Ə.Hacıyeva isə xərclərlə bağlı sübut təqdim edə bilməyib.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG