Keçid linkləri

Təcili xəbərlər
2018, 10 Dekabr, Bazar ertəsi, Bakı vaxtı 06:51

Daha bir AXCP fəalının həbs müddəti uzadıldı


AXCP fəalı Fuad Əhmədli

Yanvarın 6-da Nəsimi Rayon Məhkəməsi Azərbaycan Xalq Cəbhəsi Partiyası (AXCP) fəalı Fuad Əhmədlinin həbs müddətini daha iki aylığa uzadıb.

Bu haqda F.Əhmədlinin vəkili Əsabəli Mustafayev bildirib.

Vəkilhesab edir ki, həbs qətimkan tədbirinin uzadılması ilə bağlı prokurorluğun təqdimatı əsaslı olmayıb.

“Prokurorluq həbs qətimkan tədbirinin uzadılmasına səbəb kimi istintaq hərəkətlərinə ehtiyac olduğunu göstərir. Bu isə adamı həbs etdikdən sonra sübut toplamağa bənzəyir, hər halda bu təəssürat yaranır ”, deyən vəkil qeyd edir ki, həbsdə saxlanmaqdan ötrü ciddi şübhələr və bu şübhələri təsdiq edənsübutlar olmalıdır.
Ə.Mustafayev F.Əhmədli barədə belə mötəbər dəlil-sübut olmadığı qənaətindədir.

“Fuad Əhmədli nə istintaqdan qaçıb gizlənəndir, nə istintaqa təsir göstərmək imkanı var. Belə halda, onun həbsdə saxlanmasına ehtiyac yoxdur, bu milli qanunvericiliyin tələblərinə də ziddir”.

Buna da bax: Gənc 'gülençi' ittihamını gülüşlə qarşıladı​

Ə.Mustafayev F.Əhmədlinin həbs olunması ilə bağlı sənədlərin, artıq Avropa İnsan Hüquqları Məhkəməsinə göndərildiyini, həbs müddətinin uzadılması ilə bağlı sənədlərin də göndəriləcəyini bildirib.

Əsabəli Mustafayev, Bakı, 14 yanvar 2012
Əsabəli Mustafayev, Bakı, 14 yanvar 2012

Vəkil qeyd edib ki, həbs müddətinin uzadılması ilə bağlı Nəsimi Rayon Məhkəməsinin qərarından apelyasiya şikayəti veriləcək.

Xatırlatma

F.Əhmədli avqustun 18-də saxlanıb. O Cinayət Məcəlləsinin 302.1 (əməliyyat-axtarış fəaliyyəti haqqında qanunvericiliyi pozma) və 308.1-ci (vəzifə səlahiyyətlərindən sui-istifadə) maddələri ilə ittiham irəli sürülüb.

Dövlət Təhlükəsizlik Xidməti və Baş Prokurorluğun məlumatında deyilirdi ki, «Azerfon» MMC-də zənglər mərkəzində operator işləyən F.Əhmədli abunəçilərə aid fərdi məlumatları, antenalar üzrə olduqları yerləri müəyyən adamlara ötürüb.

İddiaya görə, onun yaşadığı evdən axtarış zamanı qanunvericiliklə qadağan edilmiş dini ədəbiyyat, CD-disklər, Fethullah Gülen-in çıxışları, «Hizmet imamları» adlandırılan şəxslər və onların qarşılıqlı əlaqələrinə dair sənədlər götürülüb.

Hazırda ABŞ-da yaşayan Fetullah Gülen ötən il iyulun 15-i Türkiyədə baş verən çevriliş cəhdini himayə etməkdə günahlandırılır. F.Gülenin özü isə bu iddiaları yalanlayıb. Azərbaycan hüquq mühafizə orqanları bəyan ediblər ki, F. Gülenin tərəfdarlarının üzə çıxarılmasında Türkiyə hökumətinə dəstək verəcəklər.

AXCP isə bəyan edib ki, F.Əhmədlinin ittiham olunmasında məqsəd partiya sədri Əli Kərimlini hədəf almaq olub.

Yanvarın 6-da AXCP sədrinin həbsdə olan köməkçisi Faiq Əmrlinin də həbs müddəti 2 ay uzadılıb.

Günün bütün mövzuları

XS
SM
MD
LG