Keçid linkləri

Təcili xəbərlər
2018, 23 İyul, Bazar ertəsi, Bakı vaxtı 01:55

AXCP daha bir üzvünün 10 sutkalıq həbs olunduğunu bildirir


Füzuli Hüseynov. iyun 2017

Azərbaycan Xalq Cəbhəsi Partiyası (AXCP) saxlandığı güman edilən fəalı Fizuli Hüseynov haqqında yeni məlumat yayıb.

F. Hüseynov son illərdə Bakıda metro stansiyaları qarşısında təkbaşına “ Siyasi məhbuslara azadlıq” şüarı yazılmış plakat qaldırması ilə tanınır və bir neçə dəfə polisin qanunu tələbinə tabe olmamaq ittihamı ilə inzibati qaydada həbs edilib.
AXCP onun iyunun 14-də Bakıda saxlanaraq, 9-cu Polis Bölməsinə aparıldığı haqda məlumat yaymışdı. Onun iyunun 14-də REAL Partiyasının həbsdə olan sədri İlqar Məmmədova azadlıq tələbi ilə yenə təklikdə (iyunun 14-ü İ.Məmmədovun ad günü idi) aksiya keçirdiyi deyilirdi.Partiya onun həmin gün saxlandığını bildirs də detallı bilgi verə bilmirdi.

AXCP-dən verilən yeni məlumata görə, dünən iyunun 15-də axşam eşdiblər ki, o 10 sutka inzibati qaydada həbs olunub və Biləcəridə inzibati həbs olunanların saxlanılma məntəqəsindədir.

Ancaq onun nədə ittiham edildiyi bə inzibati həbs cəzasının hansı məhkəmədə çıxarıldığı açıqlanmır.

AXCP-dən yayılan bu məlumatı, hələlik, rəsmi qurumlardan dəqiqləşdirmək mümkün olmayıb. Fizuli Hüseynov haqqında deyilənlərə nə Daxili İşlər Nazirliyindən, nə də məhkəmələrdən münasibət almaq mümkün olub.

Xatırlatma

Hazırda AXCP-nin 10-dan çox üzvü isə müxtəlif ittihamlarla uzunmüddətli həbsdədir.

Partiya onların hamısına böhtan atıldığını, siyasi sifarişlə tutulduqlarını bəyan edib.

Ancaq hakimiyyət rəsmiləri ölkədə siyasi məhbusların olması fikrini qəbul etmirlər. Onlar deyirlər ki, siyasi məhbus sayılan şəxslər məhz törətdikləri əmələ görə məsuliyyətə cəlb ediliblər.

Günün bütün mövzuları

XS
SM
MD
LG