Keçid linkləri

Təcili xəbərlər
2018, 14 Avqust, çərşənbə axşamı, Bakı vaxtı 15:04

Avropa Birliyi də Dağlıq Qarabağla bağlı bəyanat verdi


Federica Mogherini

“Bu yaxınlarda Dağlıq Qarabağda qoşunların təmas xəttində ölümlə nəticələnən atəşkəs rejiminin pozulması açıq-aydın status-kvo vəziyyətinin sabit olmadığını göstərir”.

Avropa Birliyinin xarici siyasət məsələləri üzrə rəsmisi Federica Mogherininin sözçüsü Maja Kocijancicin iyunun 22-də yaydığı yazılı bəyanatda belə deyilir.

Bəyanatda bildirilir ki, Azərbaycan və Ermənistan prezidentləri dəfələrlə atəşkəs rejimi və bu münaqişənin dinc yolla həllinə sadiq olduqlarını bəyan ediblər.

“Avropa Birliyi tərəflərdən sözdə və əməldə zorakılığın səngiməsini və səbrli olmağı gözləyir.

Avropa Birliyi münaqişənin həllində ATƏT-in Minsk qrupunun səylərini dəstəkləyir, münaqişə zonası və dövlət sərhədlərində gərginliyin azaldılması və tərəflərin siyasi iradə nümayiş etdirrək danışıqlara dönməsi ilə bağlı Minsk qrupunun çağırışına qoşulur”, deyə bəyanatda bildirilir.

Buna da bax: ABŞ Dağlıq Qarabağda atəşkəsin pozulmasından narahatdır

Xatırlatma

Qarabağ münaqişəsi 1988-ci ildə başlayıb. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi, ona bitişik 7 rayon və bəzi əlavə kəndlər işğal edilib.

Tərəflər bir-birlərini, bir qayda olaraq, atəşkəs pozuntularında ittiham edirlər.

Dağlıq Qarabağ münaqişəsinin həlli ilə bağlı sülh danışıqları ATƏT-in Minsk qrupu həmsədrlərinin vasitəçiliyi ilə aparılır. ABŞ, Rusiya və Fransa həmsədr dövlətlərdir.

Günün bütün mövzuları

XS
SM
MD
LG