Keçid linkləri

Təcili xəbərlər
2019, 18 Avqust, bazar, Bakı vaxtı 02:30

Avropa Parlamenti ‘Rusiyaya yumşaq münasibətinə’ görə ATƏT-i ittiham edir


Avropa Parlamenti

Avropa Parlamenti Avropada Əməkdaşlıq və Təhlükəsizlik Şurasını (ATƏT) özünün Ukrayna seçkisinədair bəyanatının mətbuat xülasəsinin mətnindən Rusiya barədə tənqidi qeydləri çıxartdığına görə sərt ittiham edib.

ATƏT-ə göndərilmiş məktubu Avropa Parlamentinin adından iki millət vəkili yazıb. Bu məktubda ATƏT-in Demokratik Təsisatlar və İnsan Haqları (DTİH) ofisinin bəyanatına düzəliş edilməsi “misli görünməmiş və qeyri-məqbul insident” adlandırılır.

Məktubdan məlum olur ki, DTİH-in mətbuat xidməti Avropa Parlamentinin Ukrayna prezident seçkisinə göndərdiyi nümayəndə heyətinin başçısı, polşalı Dariusz Rosatidən nümayəndə heyətinin birgə press-reliz üçün qeydlərində “Ukrayanaya qarşı Rusiya tərəfindən başladılmış müharibə” ifadəsini çıxartmaqla sənədi “yumşaltmağı” xahiş edib. ATƏT bu ifadənin “şərqdə davam edən münaqişə” ifadəsi ilə əvəzlənməsini istəyirdi.

Məktubda deyilir ki, "Rosati ATƏT-in üzləşdiyi məhdudiyyətləri anladığını ifadə edir, lakin özünün orjinal mətnini dəyişmək niyyətində olmadığını bildirir”.

Rosati habelə bildirib ki, o mətnin dəyişdirildiyi halda mətbuat xülasəsində Avropa Parlamentinin adının ümumiyyətlə çəkilməməsini istəyir.

Məktubda bu da qeyd olunur ki, DTİH-in verdiyi qarantiyalara baxmayaraq “qeyri-məqbul və yumşaldılmış mətn” aprelin 1-də Kiyevdəki müşahidəçilərin birgə mətbuat konfransı vasitəsilə oradakı jurnalistlərə paylanıb.

Avropa Parlamentinin tənqidi məktubu ODİT-in Varşavadakı ofisinə, qurumun direktoru Ingibjorg Solrun Gisladottirə göndərilib.

Məsələ olduqca ciddidir

Bu məktubu AP adından Britaniya Leyborist Partiyasından, Avropa Parlamentinin inkişaf komitəsinin sədri, millət vəkili Linda McAvan və almaniyalı mərkəz-sağçı deputat, xarici işlər komitəsinin rəhbəri David McAllister imzalayıblar.

Məktubda qeyd olunur ki, “bu məsələ olduqca ciddidir, müstəqil və suveren beynəlxalq qurum kimi Avropa Parlamentinin hüquqlarına toxunur”.

Məktubda DTİH-dən Ukrayna prezident seçkisinin ikinci dövrəsinin keçiriləcəyi 21 aprel günündən əvvəl izahat verməsi tələb edilir.

DTİH-in sözçüsü Thomas Rymer aprelin 5-də AzadlıqRadiosuna deyib ki, bu barədə şərh birbaşa Avropa Parlamentinə ünvanlanacaq.

Başqa sözlərlə DTİH nümayəndəsi bu barədıə media ilə danışmaq istəməyib. O habelə məktubdakı ittihamlarla bağlı da şərh verməyib.

Günün bütün mövzuları

XS
SM
MD
LG