Keçid linkləri

2024, 29 Mart, Cümə, Bakı vaxtı 18:55

Amnesty İran etirazlarında azı 161 nəfərin öldüyünü bildirir


Amnesty International təşkilatının dərc etdiyi fotoplakat
Amnesty International təşkilatının dərc etdiyi fotoplakat

Amnesty International beynəlxalq insan haqları təşkilatı ötən həftə İranın 100-dən çox şəhərini bürümüş etirazlarda ölü sayına dair özünün verdiyi məlumata düzəliş edib.

Təşkilat bildirib ki, bu etirazlarda azı 161 nəfərin öldüyü təxmin edilir. Bundan əvvəlki rəqəm 143 idi.

Amnesty noyabrın 29-da AzadlıqRadiosuna göndərdiyi bəyanatda bildirir ki, "İranda öldürüldüyü təsdiq edilmiş etirazçıların sayı azı 161 nəfərə qalxıb”.

Londonda mənzillənən təşkilat əlavə edib ki, “real ölü sayı çox güman bundan əhəmiyyətli dərəcədə çoxdur”.

Yanacaq qiymətlərinin bahalaşması ilə bağlı başlanmış etiraz aksiyalarına qarşı hökumət tədbirlərinin miqyası hələ də naməlum olaraq qalır.

Bu həm də onunla bağlıdır ki, etiraz günlərində İran hakimiyyəti ölkə internetinə girişi tamamilə bağlamışdı.

Hökumət indiyədək noyabrın 15-də başlamış etirazlarda nə qədər insanın öldüyü barədə rəsmi məlumat verməyib.

Noyabrın 27-də yaydığı hesabatda başqa bir insan haqları təşkilatı - Human Rights Watch (HRW) İran hakimiyyət orqanlarını repressiv tədbirlər barədə məlumatları gizli saxlamaqda ittiham edib.

Hesabatda deyilir ki, sosial mediada yayılmış video “etirazçılara odlu silahlardan atəş açıldığını aydın şəkildə göstərir”.

Bəzi mənbələr İran millət vəkillərindən, parlamentin Milli Təhlükəsizlik və Xarici Siyasət Komitəsininüzvü Hossein Naghavi Hosseiniyə istinadən 7000 nəfərin həbs olunduğu bildirirlər.

İranın dini isteblişmenti etirazların qızışdırılmasına görə Birləşmiş Ştatlar, İsrail və Səudiyyə Ərəbistanı da daxil xarici ölkələri ittiham edir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG