Vaşinqton polisi ticarət mərkəzində adamlara atəş açmaqda suçlanan 20 yaşlı Arcan Cetin adlı şəxsi yaxalayıb.
Polis onun hücumun səbəblərini aydınlaşdırmağa çalışır.
Cetin Türkiyədə doğulub, ancaq ABŞ-da qanuni yaşamaq icazəsi var.
Reuters xəbər verir ki, polis Arcan Cetin-in tutulması zamanı hər hansı xoşagəlməz hal yaşanmadığını bildirib.
Arcan Cetin sentyabrın 23-də axşam saatlarında Vaşinqtonda “Cascade Mall”ın kosmetika satılan hissəsində adamlara atəş açıb. 4 qadın orda ölüb, ağır yaranan bir kişi isə xəstəxanada vəfat edib.
Buna da bax: ABŞ-da silahlı insident: 4 ölü
Polis deyir ki, hələ də Cetin-in hərəkəti aydın deyil.
Cetin Türkiyədə doğulub, ancaq ABŞ-da qanuni yaşamaq icazəsi var.
Rəsmilər ölənlərin kimliyini açıqlamasa da, yerli media yazır ki, onlar arasında gənclər və qocalar, o cümlədən, ana və qızı olub.