Türkiyədə rusiyalı səfir Andrey Karlovun öldürülməsi ilə bağlı istintaq çərçivəsində 1 rusiyalı qadın həbs edilib.
Bu barədə martın 6-da Türkiyənin “Hürriyet” qəzeti və digər kütləvi informasiya vasitələri məlumat yayıb.
Mənbənin yazdığına görə, 33 yaşlı Yekatrina ötən ilin noyabrında səfirin qatili Mevlüt Altıntaşla “Vatsap”la əlaqə saxlayıb,həmçinin Ankaradakı Rusiya mədəniyyət mərkəzinə zəng edib.Hazırda onun həbsdə olduğu bildirilir.
“Hürriyet”in yazdığına görə, o, fahişəliyin təşkilində də şübhəli bilinir.
Rusiyanın Türkiyədəki keçmiş səfiri Andrey Karlov ötən il dekabrın 19-da Ankaradakı mədəniyyət mərkəzində təşkil edilən fotosərginin açılışında çıxış edərkən öldürülüb.
Onu keçmiş polis əməkdaşı Mevlüt Altıntaş güllələyib.
O, cinayəti törədərkən “Allahu əkbər” qışqırıb, Suriyadakı hərəkətlərinə göe Rusiyanı pisləyən şüarlar səsləndirib.
Altıntaşın özü də hadisə yerində təhlükəsizlik qüvvələri tərəfindən güllələnib.
Türkiyə hakimiyyəti Altuntaşın 2016-cı il 15 iyul qiyamının təşkilində ittiham olun Fətullah Gülən hərəkatı ilə bağlı olduğunu deyir.
Altıntaşın ailəsi onun meyirindən imtina etdiyindən,o, kimsəsizlər məzarlığında dəvn edilib.
Ankaradakı müasir incəsənət mərkəzindəki həmin sərgi zalı indi səfir Andrey Karlovun adını daşıyır.