Keçid linkləri

Təcili xəbərlər
2019, 24 Yanvar, Cümə axşamı, Bakı vaxtı 04:53

ABŞ-da dövlət qulluqçuları etiraz aksiyasına çıxıb (Video)


Vaşinqtonda dövlət müəssisələrinin açılması tələbi ilə etiraz aksiyası. 10 yanvar, 2019-cu il.

ABŞ-da dövlət qulluqçuları yanvarın 10-da etiraz aksiyasına çıxaraq hökumətin bağlanmasına son qoyulmasını tələb ediblər.

Qeyd edək ki, yeni büdcə təsdiqlənmədiyinə görə, təxminən 3 həftədir ki, ABŞ-da dövlət müəssisələri bağlıdır.

Vaşinqtonda keçirilən aksiyaya, pilotlar, təyyarə bələdçiləri və hava limanlarının işçiləri qoşulublar.

ABŞ-da dövlət qulluqçuları işin bərpa olunmasını tələb edirlər
Gözlə

No media source currently available

0:00 0:01:58 0:00

ABŞ prezidenti Donald Trump yanvarın 9-da hökumətin açılması ilə bağlı demokratların liderləri ilə görüşü qəfil tərk elədi.

Problem, demokratların, Meksiika ilə sərhədə divar çəkilməsinə lazım olan təxminən 6 milyard dollarlıq vəsaiti təsdiqləməməsindədir.

Bu divar, Trump-ın seçkiqabağı əsas vədlərindən biriydi. Amma nümayəndələr palatasına nəzarət edən demokratlar bunu israfçılıq hesab edirlər.

Prezident Donald Trump yenidən xəbərdarlıq edib ki, əgər Konqres güzəştə getməsə, ölkədə fövqəladə vəziyyət rejimi tətbiq edə bilər.

“Mənim Fövqəladə vəziyyət rejimi tədbiq etmək üçün tam hüququm var. Bunu mənə hüquqşünaslarım deyib. Hələlik belə bir addıma hazır deyiləm, amma lazım gəlsə, şübhəsiz bunu edəcəm”, prezident deyib.

Donald Trump
Donald Trump

Donald Trump yanvarın 10-da Texasdakı Rio-Qrande sərhəd məntəqəsində olub. O, təhlükəsizlik xidmətinin əməkdaşlarına təlimatlar verib və qanunsuz miqrantların qurbanı olanların yaxınları ilə görüşüb.

Sərhədin o biri başında isə irimiqyaslı hərbi təlim keçirilib. Yüzlərlə hərbi geyimlilər, ən gur keçidlərdən biri olan Tixuana-San Dieqo sərhəd məntəqəsini 10 dəqiqəlik bağlayıblar. Onlar Meksikadan gələn maşın karvanına tərəf gözyaşardıcı qaz buraxıblar.

Donald Trump demokratlarla yaranmış problemə görə yanvarın 22-də Davosda keçiriləcək beynəlxalq iqtisadi foruma da getməyə bilər.

Yaxın günlərdə prezident Konqreslə razılığa gələ bilməsə, onda bu ABŞ-ın Tarixində ən uzun belə böhran olacaq.

Sənin fikrin

Şərhləri göstər

Günün bütün mövzuları

XS
SM
MD
LG