«Fələstinlə İsrail sülhə heç vaxt olmadığı qədər yaxındırlar». Bunu İsrailin Baş naziri Ehud Olmert deyib. Olmert Parisdə Fələstin lideri Mahmud Abbas və Fransa prezidenti Nikola Sarkoziylə görüşdən sonra danışıb.
Olmertlə Abbas sülh danışıqlarına keçən ildən başlayıblar. Danışıqlara Amerika vasitəçilik edir. Plana görə, İsraillə Fələstin ilin sonuna - Amerika prezidenti Corc Buş vəzifədən gedənə qədər razılıq əldə etməlidirlər.