ABŞ-ın İstanbuldakı Baş Konsulluğuna silahlı basqın olub. Viza üçün gözləyən vətəndaşların verdiyi məlumata görə, təxminən saat 11 radələrində ağ maşından enən şəxslər konsulluğu mühafizə edən polislərə atəş açıblar. Nəticədə üç polis və üç basqınçı həlak olub. Bir nəfər basqınçı isə hadisə yerindən qaçıb.
İstanbulun qubernatoru Mühəmməd Gülər ölən polislərdən ikisinin yol polisinin əməkdaşı, birinin isə konusulluğun cangüdəni olduğunu deyib.
Polis hazırda hadisə yerindən qaçan dördüncü basqınçının axtarışı ilə məşğuldur.