«Azərbaycanla Amerika enerji dialoqunu aparır». Xarici İşlər Nazirliyindəki görüşdən sonra Mətyu Brayzə «Azadlıq» radiosuna belə deyib. Onun sözlərinə görə, əsas müzakirə mövzusu «Nabukko»ya yönəlib: «Biz Azərbaycan neft-qazının Avropaya nəqli imkanlarından danışdıq».
Sentyabrın 20-də Azərbaycan və Avstriya hökumətləri arasında «Nabukko» qaz kəməri layihəsinə dair anlaşma memorandumu imzalanıb. Mərkəzi Asiyadan Avropaya təbii qaz daşınması üçün nəzərdə tutulan «Nabukko» qaz kəməri üzrə layihədə Avstriya ilə yanaşı Macarıstan, Bolqarıstan, Rumıniya, Türkiyə də iştirak edir.