İordaniya kralı II Abdullah Azərbaycana üçgünlük səfərə gəlib. Mayın 5-də Azərbaycan prezidenti İlham Əliyevlə II Abdullahın görüşü olub. Görüşdə iki ölkə münasibətlərinin müxtəlif sahələrdə uğurla inkişaf etdirildiyi bildirilib və qarşılıqlı səfərlərin əhəmiyyəti vurğulanıb.
Görüşdə regional məsələlər də müzakirə edilib.
Görüşdən sonra dövlət başçıları birgə bəyannamə imzalayıblar.
II Abdullah 2006-cı ilin avqustunda da Bakıda səfərdə olub. Bundan sonra isə onun dəvətilə İlham Əliyev 2007-ci ilin iyulunda İordaniyaya səfər edib.