Fevralın 4-də Bakıda Avropa Birliyinin səfirliyi açılır. Bununla əlaqədar olaraq Avropa Birliyinin nümayəndə heyətinin Bakıya səfəri başlayır. Birliyin komissarı Benito Ferrero Uoldner, indiki sədri Dmitri Rupel, Fransa xarici işlər nazirliyindən D.Fux Bakıya gəliblər.
Onlar Azərbaycan rəhbərliyi ilə görüşüb, Avropa qonşuluq proqramının icrası vəziyyəti, insan haqları, Qarabağ məsələsini müzakirə edəcəklər. İki il əvvəl Avropa Birliyi Azərbaycan, Gürcüstan və Ermənistanla qonşuluq planı imzalayıb.
Birliyin nümayəndələri Bakıdan sonra Tbilisi və Yerevana gedəcəklər.
