Dekabrın 1-dən Azərbaycanda sementin qiyməti 16% artırılıb. Bu qərarı ölkənin sement istehsalı üzrə iri müəssisəsi «Garadagh Cement» MMC bəyan edib.
Şirkətdə qiymət artımını inflyasiyanın və idxal olunan klinkerin qiymətinin artımı, istehsal, iş və modernizasiya xərclərinin artımı ilə izah edirlər.
«Garadagh Cement»in modernizasiya xərcləri 2007-ci ildə 10 mln. manat təşkil edib. Avropanın ekoloji standartlarının səviyyəsinə qədər modernləşdirmə üzrə planlaşdırılan vəsaitlərin həcmi isə 2008-ci ildə 7 mln. manat təşkil edəcək. (Trend)
