Keçid linkləri

2024, 29 Mart, Cümə, Bakı vaxtı 12:19

Söz Azadlığını Müdafiə Komitəsi mitinqin vaxtını dəyişdirdi


Prezidentdən kütləvi aksiya keçirmək hüququnun təmin olunması tələb edilir
Prezidentdən kütləvi aksiya keçirmək hüququnun təmin olunması tələb edilir

Söz Azadlığını Müdafiə Komitəsi dekabrın 9-na təyin etdiyi mitinqi bir gün öncə-dekabrın 8-də keçirəcək. Həmin günə planlaşdırılan beynəlxalq konfransın isə dekabrın 9-da olması gözlənilir.


Tədbirlərin yerdəyişməsi ilə bağlı qərar qurumun noyabrın 26-da keçirilən toplantısında verilib. Buna səbəb dekabrın 9-da başqa bir təşkilatın da Ukrayna meydanında aksiya keçirmək üçün Bakı Şəhər İcra Hakimiyyətinə müraciət etməsidir.


Məlumatı «Azadlıq» radiosuna mitinqlə bağlı yaradılmış işçi qrupun rəhbəri Eldar Namazov verib. Onun sözlərinə görə, işçi qrup artıq son qərarla bağlı meriyaya rəsmi şəkildə müraciət edib.


«Belə halla altı ay əvvəl də rastlaşmışdıq. Ona görə də meriyaya məktub göndərdik ki, təbirlərin vaxtını dəyişirik. Biz istəyirik bu mitinq baş tutsun. Çalışırıq maneələri də aradan götürək».


Komitə üzvləri prezidentə də müraciət hazırlayıblar. Onlar Şəhər İcra Hakimiyyətinin mitinqlərin keçirilməsinə məhdudiyyətlər qoymasını pisləyir. Dövlət başçısından Konstitusiyanın vətəndaşlara verdiyi hüququn - kütləvi aksiya keçirmək hüququnun təmin edilməsini tələb edirlər.


Komitə söz azadlığını müdafiə məqsədilə yaradılıb. Orada ictimai təşkilatlar, redaktorlar, hüquq müdafiəçiləri və siyasətçilər təmsil olunur.


Hazırda Azərbaycanda 9 jurnalist həbsdədir.


AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG