Londonda yaşayan rusiyalı biznesmen Boris Berezovski deyir ki, o, Rusiyanın «gizli» müxalifətini maliyyələşdirir. Amma o qeyd edib ki, söhbət siyasi partiyalardan getmir.
Məlumatı «France-Press» agentliyi yayıb.
Londondakı mətbuat konfransında Berezovski deyib ki, onun əsas məqsədi prezident Vladimir Putini devirmək üçün kütləvi aksiyalar hazırlamaqdır.
Biznesmen bildirib ki, belə bir üsyan Rusiyada parlament (2 dekabr 2007) və prezident (2 mart 2008) seçkiləri arası baş tuta bilər.
