Keçid linkləri

2024, 28 Mart, Cümə axşamı, Bakı vaxtı 13:01

Əli Həsənov hökumətin jurnalistin həbsindən narahat olduğunu deyir


Prezidentin İcra Aparatının İctimai-siyasi şöbəsinin müdiri Əli Həsənov
Prezidentin İcra Aparatının İctimai-siyasi şöbəsinin müdiri Əli Həsənov

«Azərbaycan hökuməti hər bir jurnalistin həbsindən narahatdır». Prezidentin İcra Aparatının İctimai-siyasi şöbəsinin müdiri Əli Həsənov belə deyir.


Bununla yanaşı o, bildirib ki, Azərbaycan hüquqi dövlət olduğundan bütün vətəndaşlar kimi jurnalistlər də məsuliyyətlərini dərk etməlidirlər.


«Qənimət Zahidova gəldikdə isə onun haqqında konkret şəxs şikayət edib. İnanıram ki, bununla bağlı araşdırma obyektiv olacaq»-, deyə Həsənov bildirib.


Mətbuat Şurasının sədri Əflatun Amaşov jurnalistlərə deyib ki, baş redaktorun azadlığa buraxılması xahişi ilə Daxili İşlər naziri ilə yanaşı artıq Baş prokurora da müraciət olunub.


Qənimət Zahidin vəkillərinin məhkəmə hökmündən artıq apellyasiya şikayəti verdiklərini deyiblər.


«Azadlıq» qəzetinin baş redaktoru az ağır bədən xəsarəti yetirmədə və xuliqanlıqda ittiham olunur. O, Yasamal Rayon Məhkəməsinin hökmüylə noyabrın 11-də iki aylıq azadlıqdan məhrum edilib. Jurnalistsə şərlənərək həbs olunduğunu deyir.


AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG