-
-
Azadlıq Radiosu
Canlı
-
16:05 - 17:00
-
-
Növbəti veriliş
-
20:00 - 20:30
AzadliqLive
-
23:00 - 23:30
AzadliqLive
-
00:00 - 08:00
"Amerikanın Səsi" radiosunun proqramı
-
-
Azadlıq Radiosu
-
Audio arxiv
2017, 21 İyul, Cümə, Bakı vaxtı 16:48
Ramil Usubov cəmiyyəti radikal dini qruplara qarşı mübarizəyə çağırır
«Bu gün də olmasa, sabah belə təhlükə cəmiyyət üçün çox qorxulu ola bilər».
Daxili İşlər naziri bunu oktyabrın 29-da Milli Təhlükəsizlik Nazirliyinin bir qrup vəhhabiyə qarşı həyata keçirdiyi əməliyyatdan sonra deyib.
«Dinə etiqad azaddır. Amma əgər radikalizmlə bağlı, din pərdəsi altında belə təbliğatlar gedirsə, bu, cəmiyyət üçün çox təhlükəlidir. Hər bir vətəndaş belə halların qarşısını almaq üçün özü tədbir görməlidir. Öz gücü çatmırsa, hüquq-mühafizə orqanlarına müraciət etməlidir», - deyə Ramil Usubov vurğulayıb.
Nazir qeyd edib ki, dövlət də öz növbəsində, lazımi tədbirlər görür.
Ramil Usubov xatırladıb ki, Azərbaycan 90-cı illərin əvvəllərində ən çox terrordan əziyyət çəkən ölkələrdəndir.
***
Bakıda polis gücləndirilmiş iş rejimində işləyir. Xüsusən parklar, şəhərin mərkəzi meydanları, dövlət qurumlarının ətrafları, xarici ölkə səfirliklərinin binaları və əcnəbi şirkətlərin ofisləri ətrafında polis nəzarəti gücləndirilib.
Səbail polisinin nümayəndələri «Azadlıq» radiosunun əməkdaşına bildiriblər ki, gücləndirilmiş iş rejimi oktyabrın 29-da aparılmış əməliyyatla bağlıdır.
Onlar hətta ətraf rayonlardan şəhərin mərkəzinə polislərin cəlb olunduğunu deyiblər.
Polislər bildiriblər ki, bu, müvəqqəti haldır.
Bu arada ABŞ və Böyük Britaniyanın Azərbaycandakı səfirliklərindən «Azadlıq» radiosuna bildiriblər ki, onlar oktyabrın 30-da da məhdud rejimdə işləyəcəklər.
Oktyabrın 29-da Bakıdakı ABŞ və Böyük Britaniya səfirlikləri fəaliyyətlərini məhdudlaşdırıblar. Hər iki səfirlikdən bunun səbəbini təhlükəsizliklə izah ediblər.
Milli Təhlükəsizlik Nazirliyinin yaydığı məlumata görəsə oktyabrın 29-da «Bakı şəhərində bir sıra dövlət strukturlarına, habelə beynəlxalq anti-terror koalisiyasına üzv olan dövlətlərin səfirliklərinə və nümayəndəliklərinə qarşı müdhiş terror və təxribat keçirilməsinin qarşısı alınıb».
