Keçid linkləri

2024, 28 Mart, Cümə axşamı, Bakı vaxtı 17:42

Moskvada azərbaycanlıların yaşadığı mənzilə partlayıcı atıblar


Skinhedlər mənzilin bayırına «azərbaycanlılar rədd olsun!» sözlərini yazıblar
Skinhedlər mənzilin bayırına «azərbaycanlılar rədd olsun!» sözlərini yazıblar

Sentyabrın 21-i gecə saat 3 radələrində Moskvada Laboçovski küçəsində azərbaycanlıların yaşadığı mənzilə partlayıcı atıblar. Nəticədə 1980-ci il təvəllüdlü Qədimov Arzu Cəmşid oğlu ciddi xəsarəti alıb. O, bədənin 90 faiz yanığı diaqnozu ilə xəstəxanaya yerləşdirilib. Həkimlər onun həyatını xilas edəcəklərinə söz vermirlər.


Məlumatı «Azadlıq» radiosuna Moskvada çıxan «Millətin qəzeti»inin redaktoru Tünzalə Vəliqızı verib.


Jurnalistin sözlərinə görə, azərbaycanlıların kirayədə yaşadıqları mənzil yaşayış binasının birinci mərtəbəsində yerləşir. Sentyabrın 20-si axşam saatlarında skinhedlər mənzilin bayırına «azərbaycanlılar rədd olsun!», «azərbaycanlılara burada yer yoxdur!» sözlərini yazıblar. Bundan sonra evin pəncərəsindən içəriyə partlayıcı atıblar.


Partlayıcı Qədimov Arzu Cəmşid oğlunun üstünə düşdüyündən o ciddi xəsarət alıb. Digər şəxslər isə yüngül xəsarət alıblar. Evə ciddi ziyan dəyib.


AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG