«On iki ayın nəticələri üzrə Azərbaycanda inflyasiya 15 faiz olub». Beynəlxalq Valyuta Fondunun (BVF) Azərbaycandakı missiyasının rəhbəri Vitali Kramarenko belə deyir. O, gələn il inflyasiyasının səviyyəsinin aşağı enəcəyin gözlədiklərini bildirir: «2008-ci ilin dövlət büdcəsini hökumətlə birgə müzakirə etmişik və həmin büdcədə antiinflayasiya tədbirləri nəzərə alınıb».
Cənab Kramarenko hesab edir ki, hökumət büdcənin neftdən asılılığını azaltmaq üçün qeyri-neft sektorundan büdcəyə vəsait cəlb edilməsini gücləndirməlidir.
Missiyanın rəhbəri həmçinin büdcə sektorunda kəskin maaş artımının gözlənilmədiyini deyir: «Antiinflyasiya tədbirlərinə görə, bu yolverilməzdir».
O, 2008-ci ilin fevral-mart ayılarında BVF-nin daha bir missiyasının Azərbaycana gələcəyini bildirir. V.Kramarenkonun sözlərinə görə, bu missiya hökumətlə enerjidaşıyıcıların qiymət siyasətini müzakirə edəcək.
