Ağstafadakı maye qazdoldurma məntəqəsində partlayışa görə iki nəfər həbs olunub.
Bu barədə Baş Prokurorluğun mətbuat xidməti məlumat yayıb.
Məlumatda deyilir ki, avqustun 29-da Ağstafada qanunsuz işlədilən maye qazdoldurma məntəqəsində yanğın olub, nəticədə 9 nəfər müxtəlif dərəcəli bədən xəsarətləri alıb. Aldıqları xəsarətdən həmin gün bir, ertəsi gün iki nəfər vəfat edib.
Hadisə ilə bağlı cinayət işi başlayıb, iki nəfər - stansiyanın rəhbəri və Ağstafa bələdiyyəsinin sədri həbs olunublar.