İran azərbaycanlılarının bir sıra təşkilatları avqustun 22-də İranın Bakıdakı səfirliyi qarşısında piket keçirmək niyyətindədirlər. Bu barədə «Azadlıq» radiosuna özünü Güney Azərbaycan Milli Oyanış Hərəkatının Bakı təmsilçiliyinin rəhbəri kimi təqdim edən Ağrı Qaradağlı məlumat verib. O, deyir ki, Azərbaycanda səfərdə olan İran prezidenti Mahmud Əhmedinejaddan İrandakı siyasi məhbusların azadlığa buraxılmasını, azərbaycanlıların pozulmuş hüquqlarının tanınmasını tələb edəcəklər.
Milli-mədəni hüquqları uğrunda mübarizə aparan azərbaycanlı fəallar İranda kütləvi həbslərə, təzyiq və təqiblərə məruz qaldıqlarını iddia edirlər.
Avqustun 21-də İran prezidenti Mahmud Əhmedinejadın Azərbaycana iki gün davam edəcək səfəri başlayır.