Amerika Birləşmiş Ştatları da Arktikaya gəmi missiyası göndərməyi qərara alıb. Məqsəd buzlaqların hansı hissəsinin Amerika ərazisinə aid olmasını dəqiqləşdirməkdir.
Bundan öncə Rusiya və Kanada da belə missiyalar barədə qərar vermişdi. 4 həftəlik ekspedisiya Alyaskadan avqustun 17-də start götürəcək.
Amerika rəsmiləri deyirlər ki, bu missiya heç də şimal qütbünə Rusiyanın bayrağını sancmaq üçün bu ay təşkil etdiyi missiyaya cavab deyil. Amerika alimləri bu səfəri illərdi ki, planlaşdırdıqlarını deyirlər.
Şimal Buzlu Okeanın dibinin zəngin neft və mineral yataqları ilə zəngin olduğu güman edilir.
