Daha bir Azərbaycan vətəndaşı əsir düşüb. Bu barədə Qırmızı Xaç Komitəsinin (QXK) Bakı nümayəndəliyi məlumat yayıb.
Nümayəndəliyin əməkdaşı Gülnaz Quliyeva «Azadlıq» radiosuna bildirib ki, avqustun 3-də QXK-nın Dağlıq Qarabağdakı nümayəndəliyi həmin şəxslə görüşüb. Ancaq nümayəndəlik əsir düşmüş şəxsin adını açıqlamır.
Əsir və Girovlarla İş üzrə Dövlət Komitəsindən isə hələ ki, bu məsələylə bağlı araşdırma apardıqlarını bildiriblər.
«Turan» Agentliyi həmin şəxsin 29 yaşlı Tərtər rayon sakini Anar Əliyev olduğunu xəbər verir.