ABŞ Dövlət katibi müavininin yardımçısı Mətyu Brayza Bakıda avqustun 2-də olacaq. O, Azərbaycan rəhbərliyi ilə təhlükəsizlik, enerji məsələləri və demokratik islahatların durumunu müzakirə edəcək. ABŞ-ın Azərbaycandakı səfirliyinin ictimaiyyətlə əlaqələr şöbəsinin rəhbəri Conatan Henik «Azadlıq» radiosuna belə deyib. Onun sözlərinə görə, Mətyu Brayza Azərbaycana Qarabağ münaqişəsinin nizamlanması ilə məşğul olan ATƏT-in Minsk Qrupunun həmsədrlərindən biri kimi yox, daha çox Dövlət katibi müavininin yardımçısı kimi gəlir: «O, Dövlət katibi müavininin yardımçısı kimi ikitərəfli münasibətlərdən məsuliyyət daşıyır».
Bundan əvvəl Mətyu Brayzanın Moskvada həmsədrlərlə görüşəcəyi bildirilir.
