İyulun 17-də Bakı, Sumqayıt və Naxçıvanda polis gücləndirilmiş iş rejimində işləyəcək. Daxili İşlər Nazirliyindən «Azadlıq» radiosuna verilən məlumatda belə deyilir. Həmin gün 3-cü ixtisas qrupu üzrə ali məktəblərə qəbul imtahanları keçiriləcək.
3-cü ixtisas qrupu üzrə qəbul imtahanında iştirak etmək istəyən abituriyentlərin sayı 41.242 nəfərdir. Bu ixtisas qrupu üzrə plan yeri 8665 nəfərdir.
1-ci qrup üzrə imtahanlar iyulun 22-də, 2-ci qrup üzrə iyulun 27-də, dördüncü qrup üzrə isə iyulun 31-də olacaq.
Bu il qəbul imtahanlarında iştirak etmək istəyən abituriyentlərin ümumi sayı 105 min nəfərdən çoxdu.