Bakıda ölkənin ümumi şəhər əhalisinin 55 faizi toplaşıb. Fövqəladə Hallar nazirinin müavini Orucəli Hacıyev belə deyir. İyulun 16-da ABŞ-ın Azərbaycandakı səfirliyilə hökumətin birgə keçirdiyi enerji təhlükəsizliyi tədbirindəki çıxışında Hacıyev daha sonra bildirib ki, son 100 ildə paytaxtın əhalisi 100 dəfə artıb. Nazir müavini deyir ki, indi Bakıda 1 kvadrat km-ə 380 adam düşür.
Ölkənin bir çox demoqrafları isə hələ bir neçə il əvvəl Bakıda əhalinin sayının rəsmi statistikadan artıq olduğunu, təxminən 3-4 milyona çatdığını bildirirdilər.
