Qeyri-sabit hava şəraiti iyulun 19-dək davam edəcək. Milli Hidrometeoroloji Proqnozlar Bürosundan ANS-ə verilən məlumat görə, sərin hava iyulun 15-dən başlayaraq ölkə ərazisindən atomosfer cəbhəsinin keçməsi ilə əlaqədardı. Ötən gün əksər rayonlarda yağışlar müşahidə olunub, bəzi dağlıq və dağətəyi rayonlarda leysan xarakteri alıb. Hazırda Abşeron yarımadasında şimal-qərb küləyinin sürəti saniyədə 20 metrdir. Neft Daşları Stansiyasının məlumatına əsasən açıq dənizdə dalğanın hündürlüyü 4 metrə çatır.
Güclü külək yarımadada bu gün də davam edəcək və maksimal sürət saniyədə 26-28 metrə çatacaq.
Ümumiyyətlə, iyulun 19-na qədər havalar sərin keçəcək, arabir yağış yağacaq.
