İyulun 8-də satirik-jurnalist Mirzə Sakit (Sakit Zahidov) hüquqlarının pozulmasına etiraz olaraq saxlandığı 14 saylı kolonda aclığa başlayıb.
Reportyorların Azadlığı və Təhlükəsizliyi İnstitutunun (RATİ) satirikin həyat yoldaşı Rəna Zahidovaya istinadən verdiyi xəbərə görə, aksiyaya səbəb pis saxlanma şəraiti və kolon rəhbərliyinin jurnalistin müalicəsi üçün şərait yaratmaqdan imtina etməsi olub.
«Turan»ın məlumatına görə, adını çəkməyən 14 saylı kolonun əməkdaşı RATİ nümayəndələrilə telefon söhbətində M.Sakittin saxlanma şəraitinin pis olması barədə iddiaları təkzib edib.
Sakit Zahidov narkotiklərin saxlanması və istifadəsi ittihamı ilə 2006-cı ildə üç il müddətinə həbs edilib.
