Gürcüstan parlamenti 1940-cı illərdə Sovet hakimiyyətinin zorla Gürcüstandan köçürdüyü adamların vətənə qaytarılması haqqında qanun layihəsini birinci oxunuşda qəbul edib.
Sovet dövründə zorla başqa respublikalara köçürülmüş şəxslər, onların həyat yoldaşları, uşaqları, nəvələri və ailə üzvləri repatriant sayılır.
1999-cu ildə Avropa Şurasına daxil olarkən, Gürcüstan 2011-ci ilədək Məhsəti türklərinin ölkəyə qaytarılmasına dair üzərinə öhdəlik götürüb.
Qanun layihəsinə əsasən, Gürcüstan hökuməti qayıtmaq istəyənlərə heç bir maliyyə yardımı etməyəcək.
Keçmiş SSRİ respublikalarında 300 minədək Məhsəti türkü yaşayır.
