Avropa İnsan Haqları Məhkəməsi Rusiya hərbçilərini 2003-cü ildə dörd Çeçenistan sakinini öldürməkdə təqsirli bilib.
Rusiya hökumətinə qətlə yetirilmiş Zura Bitiyevanın qohumlarına 114 min ABŞ dolları ödəmək tapşırılıb.
Çeçenistanda Bitiyeva müharibə əleyhinə mitinqlər və çıxışların fəal iştirakçısı kimi tanınırdı. Kamuflyaj formada, həm də maskalı olan naməlum şəxslər onu, ərini, qardaşını və oğlunu öz evində güllələyiblər.
Strasburq məhkəməsində Rusiyaya qarşı onlarla buna bənzər iddia var.