Xatibi Qərbi Azərbaycan vilayətinin Xoy şəhərindəndi. İranın İnqilab Məhkəməsi onu ölüm hökmünə məhkum edib, deyib ki, o, Türkiyəyə casusluq edib. Amma konkret ittihamların nədən ibarət olduğu bilinmir.
Xatibi 9 ay Təhlükəsizlik Nazirliyinin Urmiyədəki təcridxanasında saxlanıb, məlumatlara görə, döyülüb, qabırğaları sındırılıb.
Martda Xatibinin anasına deyiblər ki, oğlu edam edilib, gəlib meyitini apara bilər. Amma anası gələndə həbsxana nəzarətçiləri ona deyiblər ki, edam-filan olmayıb. Anası bu yaxında yenə həbsxana gedib, amma ona oğluyla görüş verməyiblər, indi anası şübhələnir ki, oğluna işgəncə verirlər.
Xatibinin həyat yoldaşı Türkiyə vətəndaşıdı, Türkiyənin şərqində yaşayır, deyir ki, əri haqqında heç bir məlumat əldə edə bilmir.
Xatibinin dayısı oğlu İrəc Naci də keçən ildən bəri təkadamlıq kamerada saxlanır. Naciyə deyiblər ki, onu ittiham edirlər ki, Türkiyənin adından fəaliyyət göstərib, Xoy camaatını nümayişə çağırıb. Söhbət keçən ilin mayında rəsmi İran qəzetində azərbaycanlıları təhqir edən karikatura dərc ediləndən sonra keçirilən kütləvi aksiyalardan gedir. «Amnesty International» narahatdı ki, Naciyə də işgəncə verilməsi təhlükəsi var.
