Qazaxıstan prezidenti Nursultan Nazarbayev ona ömürlük prezidentlik imkanı verən konstitusiyaya düzəlişini imzalayıb. Rəsmi mətbuat mayın 22-də həmin düzəlişi dərc edib.
Ötən həftə ölkə parlamenti Nazarbayevin müddətsiz hakimiyyətdə qalmasına səs verib. Ölkə müxalifəti parlamentin bu addımının qeyri-demokratik olduğunu bəyan edib.
66 yaşlı Nazarbayev 1989-cu ildən hakimiyyətdədir. Onun budəfəki prezidentlik müddəti 2012-ci ildə başa çatırdı.