İnsan haqlarına riayət Avropa Birliyinin (AB) Orta Asiya ölkələrinə münasibətdə yeni strategiyasının prioritet bəndinə daxil olmalıdır.
Belə bir çağırışla AB-yə «Hyuman Rayts Votç» beynəlxalq insan haqları təşkilatı müraciət edib.
Gələn həftə Avropa Birliyi ölkələrinin Xarici İşlər nazirləri ilk dəfə bu sənədi müzakirə edəcəklər.
Hüquq müdafiəçilərinin fikrincə, AB daha çox bu sahədə müsbət irəliləyişləri konstatasiya etməklə kifayətlənir və Özbəkistan və Türkmənistan kimi ölkələrdə mütəmadi insan haqları pozuntularına yetərincə sərt reaksiya vermir.