Aprelin 23-də Vaşinqtonda Azərbaycanla Amerika Birləşmiş Ştatları (ABŞ) arasında hərbi-siyasi məsləhətləşmələr aparılacaq. Birləşmiş Ştatların Azərbaycandakı səfirliyinin İctimaiyyətlə Əlaqələr Şöbəsinin müdiri Conatan Henik «Azadlıq» radiosuna deyib ki, müzakirələrdə istər İraq və Əfqanıstanda birgə fəaliyyət, istərsə də Azərbaycanın NATO-ya inteqrasiya məsələləri nəzərdən keçirilə bilər: «Biz hər il belə müzakirələr aparırıq. Hərbi-siyasi əməkdaşlığa dair çox məsələlər diqqətdə saxlana bilər».
Cənab Henikin sözlərinə görə, müzakirələrdə Azərbaycan tərəfdən Xarici İşlər nazirinin muavini Araz Əzimov, ABŞ tərəfdən isə Dövlət katibinin hərbi-siyasi işlər üzrə müavini iştirak edəcəklər.
