Bakıda aprelin 3-də Nazirlər Kabinetində Azərbaycanın baş naziri Artur Rasizadənin qazaxıstanlı həmkarı Kərim Məsimov və Gürcüstanın baş naziri Zurab Noqaideli ilə üçtərəfli görüşü olacaq. Bu barədə «Novosti Azərbaycan»a Nazirlər Kabinetindən məlumat veriblər.
Məlumatda deyilir ki, baş nazirlər regional əməkdaşlıq və enerji məsələlərini müzakirə edəcəklər.
Qazaxıstanın baş naziri artıq Bakıdadır, Gürcüstan hökumətinin başçısı isə aprelin 3-də gələcək.