Türkmənistan prezidenti Qurbanqulı Berdımuhammedov Mədəniyyət və Teleradio Yayımı naziri Enebay Atayevaya şiddətli töhmət verib.
Səbəb «milli televiziya üzərində nəzarətin zəifləməsi və televiziya verilişlərinin aşağı keyfiyyətidir» - deyə Türkmənistan prezidentinin mətbuat xidməti xəbər verir.
Berdımuhammedov hesab edir ki, yerli televiziyada əvvəlki kimi maraqlı verilişlər azdır.
Saparmurat Niyazovun hakimiyyəti dövründə televiziya efirinin təxminən 70 faizini mahnılar və rəqslər doldururdu.