Amerika Birləşmiş Ştatlarında törədilmiş 2001-ci il 11 sentyabr terrorunu və «Əl-Qaidə»nın başqa hücumlarını Xalid Şeyx Məhəmməd törədib. Pentaqondan bildirirlər ki, o, özü bunu etiraf edib. Məhəmmədin etirafı qapalı keçirilmiş məhkəmənin stenoqramında var.
Xalid Şeyx Məhəmməd Azərbaycanda da İsrail səfirliyinə hücum planlaşdırdığını boynuna alıb.
Məhkəmə Kubanın şübhəli terrorçular saxlanılan «Quantanamo» həbsxanasında keçirilib.
Stenoqrama görə, Məhəmməd deyib ki, o, «Əl-Qaidə» lideri Üsama bin Ladenin əməliyyat direktoru olub və 11 sentyabr terroru üçün tamamilə məsuliyyət daşıyır.
Məhəmməd dünyada 30-dək ayrı-ayrı hücumlar üçün məsuliyyəti üzərinə götürüb.