Prezident İlham Əliyev Xocalı faciəsinin 15-ci ildönümü ilə əlaqədar anma mərasimində iştirak edib. «AzərTAc» Dövlət Teleqraf Agentliyinin məlumatına görə, ölkə başçısı Bakıda faciə qurbanlarının xatirəsinə ucaldılmış «Vətən harayı» abidəsini ziyarət edib, abidənin önünə əklil qoyub. Mərasimə həmçinin Baş nazir Artur Rasizadə, Milli Məclisin sədri Oqtay Əsədov, Prezidentin İcra Aparatının rəhbəri Ramiz Mehdiyev, digər dövlət və hökumət nümayəndələri, deputatlar, nazirlər, komitə və şirkət rəhbərləri, diplomatik korpusun və beynəlxalq təşkilatların təmsilçiləri də qatılıblar.